Happy reading..



Awesome T-Shirts Collection

My True Story | Train Journey With A strange Girl (Hindi)

By


train-girl-story
Woh train ke reservation ke bathroom ki taraf wali extra seat par baithi thi.. Uske chehre se pata chal raha tha ki uske dil mai thodi se ghabrahat hai, kahin TT ne pakad liya toh..
Kuch der to wo TT ke aane ka intezar karti rahi, sayad soch rahi thi ki thode bahot paise dekar TT se baat kar legi. Usey dekhkar lag raha tha ki wo general dabbe mai nahi baith payi aur yahan aakar baith gayi, sayad jyada lamba safar bhi nahi karna hoga. Uske sath jyada kuch saman bhi nahi tha, sirf ek chota sa bag dikh raha tha.

Mai bahot baar koshish kar raha tha ki uska chehra sahi se dikh jaye, par har baar asafal raha. Phir thodi der baad wo khidki par sir rakhkar so gayi aur mai bhi wapis apni kitaab padhne mai lag gaya.. Dikhne mai wo karib 21 saal ki lag rahi thi.. kafi sunder bhi thi.. Lagbhag ek ghante baad TT aaya aur us ladki ko hilakar uthaya..

TT: Kahan jana hai beta??
Ladki: Uncle Dehradun tak jana hai.
TT: ticket hai??
Ladki: Nahi uncle.. General ka ticket hai, wahan chadd nahi payi isliye yahan aakar baith gayi.
TT: acchha.. Rs. 300 ka penalty lagega.
Ladki: Par uncle mere pass to sirf 100 rupees hi hain.
TT: Ye toh galat baat hai beta.. penalty to bharni hi padegi..
Ladki: Sorry uncle.. mai next station par general mai chali jaunga.. mere paas sach mai paise nahi hai.. kuch pareshani aa gyi thi isliye jaldbazi mai ghar se nikal ayi aur jyada paise rakhna bhul gayi..

*bolte bolte wo ladki rone lagi aur TT ne usey maaf kiya, aur 100 rupey mai Dehradun tak us dabbe mai baithne ki permission de di. TT ke jate hi usne apne aansu ponche aur idhar-udhar dekhne lagi ki kahin koi usey dekhkar hans to nahi raha hai..*

Thodi der baad usne kisi ko phone lagaya aur kaha ki uske pass bilkul bhi paise nahi bache hain, dehradun station par koi uske liye paise k jugaad karwa de warna wo samay par apne village nahi pahunch payegi..

Ye sab dekhkar mere dil mai becheni si ho rahi thi, uski maasumiyat dekhkar na jane kyun uski taraf attraction sa ho raha thaa.. Dil kar raha tha ki usey paise de du aur kahun ki tum pareshan mat ho aur ro matt.

Lekin ek ajnabi k liye iss tarah ki baat sochna thoda ajeeb tha. Uske chehre se lag raha tha ki usne subah se kuch khaya piya bhi nahi thaa, aur ab to uske paas paise bhi nahi bache the.

Bahot der tak usey is pareshani mai dekhne k baad mai kuch tarika sochne laga jisse mai uski madad kar saku aur flirt bhi na kehlaun.. Phir maine ek paper par note likha:

“Bahot der se tumhe pareshan hote hue dekh raha hu, jaanta hu ki ek ajnabi k liye is tarah se note bhejna thoda ajeeb hoga aur sayad tumhari nazar mai galat bhi hoga. Lekin tumhe is tarah pareshan dekhkar mujhe becheni ho rahi hai, isliye tumhe ye 500 rupees de raha hu. Tumhe koi ehsaan na lage isliye apna address bhi likh raha hu, jab bhi tumhe  sahi lage tab tum mere address pe paise wapis bhej sakti ho. Waise mai nahi chahunga ki tum paise wapis karo..
Ajnabi Humsafar”


Ek chai wale k haatho wo note maine us ladki ko pahucha diya, aur usey mana kiya ki us ladki ko na bataye ki ye note maine bheja hai.
Note padhne k baad usne 2-3 baar piche mud kar dekha ki kahin pata lag jaye ki note kisne bheja hai. Lekin mai to note bhejne k baad hi muh par kambal daalkal let gaya thaa.

Thodi der baad kambal ka kona hatakar dekha to uske chehre pe muskurahat mehsoos ki. Laga jaise bahot saalo se muskurahat ka intejaar tha.

Uski aankho ki chamak ne mera dil uski haatho mai jaakar thama diyaa. Fir kambal ka kona hata-hata kar har thodi der mai usey dekhkar jaise saans le raha tha. Pata hi nahi chala kab aankh lag gayi, aur jab aankh khuli to wo wahan nahi thi. Train dehradun station par hi rukhi thi. Aur uski seat par ek chota sa note rakha hua tha. Mai jaldi se apni seat se utra aur note utha liyaa..
Uss note par likh tha:

“Thank you… mere ajnabi hamsafar..
Apka yeh ehsaan mai zindagi bhar nahi bhulungi.. meri maa aj mujhe chodkar chali gayi hai. Ghar mai mere alawa aur koi nahi hai isliye jaldibazi mai ghar jaa rahi hu. Aaj apke in paise ki wajah se mai apni maa ko shamshan jane se pehle ek baar dekh paungi. Ek bimari ki wajah se unki maut hui hai isliye unhe jaya der tak ghar mai nahi rakha jaa sakta. Aaj se mai apki karjdaar hoon. Aur jald hi apke paise lauta dungi."


Us din se uski woh aankhe aur woh muskurahat jaise mere jeene ki wajah thi. Har roj postman se yahi puchta tha, sayad kisi din uska koi letter aa jaye..

Aj ek saal baad ek khat mila, jisme likha tha:

“Aapka karj ada karma chahti hu… lekin khat ke jariye nahi apse milkar..

Neeche milne ki jagah ka address likha tha.. aur aakhir mai likha tha..


Ajnabee hamsafar”


If you like this story, then do share it with your friends by clicking on sharing buttons provided below.
If you have your own love story or any type of story, then you can submit your story in this blog. Simply Click Here to submit your story..

You May Also Like Also Read: My First Date With Sneha | Love Story

7 comments:

Awesome Collection